Өнер туралы әдебиеттер бөлімі назарларыңызға Халықаралық театр күніне арналған «Сахнаның сиқырлы әлемі» атты безендірілмелі кітап көрмесін ұсынады.
27 наурыз – Халықаралық театр күні. Бұл күн 1961 жылы Венада ЮНЕСКО-ның жанында жұмыс істейтін Халықаралық театр институтының IX конгресінде бекітілді. Қазіргі кезде Халықаралық театр күні – бұл сахна шеберлерінің кәсіби мерекесі ғана емес, ол миллиондаған көрермендердің мерекесі.
Кітап көрмесінде театр өнерінің тарихы, танымал театрлар, әйгілі актерлер мен режиссерлер туралы әңгімелейтін әдебиеттермен танысуға болады.
«Театры Казахстана» атты көркем безендірілген және мазмұнды фотокітап Қазақстан аумағында алғашқы театрлардың пайда болуы туралы баяндайды.
Театрға бейжай қарамайтын барлық көрермендерді көрмені көруге шақырамыз.