Әлімқұлов Совет Рақымбайұлы 22 ақпанда 1938 жылы туған, Жамбыл облысында, Луговой ауданы – ақын. Жамбыл қаласындағы мәдени-ағарту училищесін (1958), қазіргі Әл-Фараби атындағы Қазақ ұлттық университетінің журналистика факультетін (1974) бітірген. Луговой, Мерке, Красногор аудандық газеттерінде әдеби қызметкер, бөлім меңгерушісі, редактордың орынбасары. 1977–91 жылдары Жамбыл ауданындағы «Шұғыла» газеті редакторының орынбасары, 1991–92 жылдары «Әулиеата» газетінің редакторы болып қызмет істеді.

Лирик ақынның алғашқы өлеңдер жинағы «Тұңғыш кітап» деген атпен 1969 жылы жарық көрді. Содан бері оның «Жазушы» және «Жалын» баспаларынан «Жайсаң жер» (1968), «Күн көсем» (1970), «Қыран» (1971), «Еліктің лағы» (1972), «Өрімтал» (1974), «Қол айна» (1980), «Сыбызғы» (1982), «Ықылас» (1984), «Ораласың ба, көктемім» (1986) жыр жинақтары мен театрларға арналған бір актілі «Нұрлы дүние» пьесасы жарияланды.