Бүгінгі таңда кітапхана тек ақпараттық орталық қана емес, сонымен қатар қоғамдық өмір және мәдениет орталығы болып табылады. Кітапханалардағы қызығушылық клубтары – бұлар ең алдымен жаныңа жақын жандармен жүзбе-жүз әңгімелесу, рухани демалу және ақпарат алу мүмкіндігі, ал шығармашылық адамдары үшін бұл қалам ұстаған әріптестерімен өз шығармашылығымен бөлісуге болатын тамаша алаң. «Ақ қауырсын» әдеби клубы өз жұмысын жаңа жылда одан әрі жалғастырды. Клубтың алғашқы жексенбілік отырысы жүрекке жылы, достық және шығармашылық ахуалда өтіп, жиналғандар клубтың жаңа мүшелерімен танысты, алдағы уақытқа арналған шығармашылық жоспарларды талқылады, өз шығармаларын оқыды.