19 қазанда Әмбебап оқу залы ұлттық мереке – Республика күніне арналған «Болашаққа ұмтылған ел» атты отаншылдық сағатын өткізді.

Кездесуде IV сайланған Парламент Мәжілісінің депутаты, саясаттанушы, тарих ғылымдарының кандидаты В. Г. Вишниченко, А. Байтұрсынұлы ат. ҚӨУ қоғамдық-гуманитарлық пәндер кафедрасының оқытушысы Т. Т. Жандәулетов сөз сөйледі.

Іс-шара «Менің Қазақстаным – менің мақтанышым!» отаншылдық челленджімен, «Менің жерім, менің Қазақстаным» кітап көрмесімен, отансүйгіштік пен туған жерге деген сүйіспеншілікке тәрбиелейтін музыкалық нөмірлермен және өлеңдермен сүйемелденді.