26 қыркүйек күні Өлкетану әдебиеттері бөлімі № 27 жалпы білім беретін мектепте Балалар жылы аясында белгілі қазақ ақыны, жазушы, драматург, көсемсөзші, журналист Ақылбек Қожаұлы Шаяхметпен «Қарымды қаламгер, ардақты азамат» атты көшпелі іс-шара өткізді. Кездесуге мектептің мұғалімдері, төртінші және тоғызыншы сынып оқушылары қатысты. Ақылбек Қожаұлы өзінің өмірбаяны, шығармашылық жолының басталуы туралы айтып берді. Өз кезегінде оқушылар оған сұрақтар қойып, кеш соңында Ақылбек Қожаұлының өлеңдерін жатқа оқыды.

Кездесуге қатысқан педагогтар Ақылбек Қожаұлына алғыс айтып, оның «Пирамида» кітабын жұмыстарында белсенді қолданып жүргендерін атап өтті.