Құрметті оқырмандар! Абонементтер бөлімі назарларыңызға «Рухани жаңғыру» бағдарламасы аясында әлеуметтік маңызы бар әдебиеттерді насихаттау мақсатында «Әдебиет – тарихтың айнасы» атты кітап көрмесін ұсынады.

Көрмеге іс-әрекеттері тарихи оқиғалар аясында өрбитін кітаптар қойылған. Романның көркемдік әсері мен идеясын арттыу үшін автор қиялға ерік беруі, тарихи шындық көркем әдебиетпен өріліп кететін күшейту әдістерін қолдануы мүмкін. Біздің әрқайсымыз І. Есенберлиннің «Көшпенділер», Қ. Жұмаділовтың «Прометей алауы», Ә. Кекілбаевтің «Елең-алаң», «Үркер», М. Мағауиннің «Аласапыран», Б. Момышұлының «Ұшқан ұя» шығармаларын оқу барысында тарихи фактілерді біліп қана қоймай, тарихқа көз жүгіртуге, өткен оқиғаларды бастан кешіруге, сезінуге мүмкіндік аламыз.

Барлық тілек білдірушілерді көрмеге шақырамыз!