Соңғы уақытта туған өлкенің тарихына, мәдениеттердің өзіндік ерекшелігіне, олардың аймақтардағы әртүрлілігіне қызығушылықтың өсуі байқалады. Болашақ ұрпақты тәрбиелеудің маңыздылығын сезіне отырып кітапханалар өлкетану қызметін жандандыру үстінде, олар өлкетануға арналған библиографиялық құралдар шығарып, толық мәтінді деректер базасын жасауда.

Ақпараттық-библиографиялық қамтамасыз ету бөлімінде «Библиография әлемі» көрмесі жұмыс істейді. Көрмеге облыс кітапханалары мен облыстық кітапхананың баспа өнімдері қойылған.

 Облыс кітапханаларының баспа жұмысы оқырмандарды өлкеміздің бай тарихына қызықтыруға арналған.

«Библиография әлемі» көрмесі тұрақты жұмыс істейді және жаңа құралдар шыққан сайын жаңартылып отырады.

Қостанай облысының танымал тұлғалары жайындағы әдебиеттердің дербес библиографиялық көрсеткіштері ерекше атап өтуге лайық.

1973 жылдан бастап біздің бөлім «Қостанай облысының атаулы күндері және оқиғалар күнтізбегін» шығарып келеді.

Барлығыңызды құралдармен танысуға шақырамыз.