Құрметті пайдаланушылар, Көзі көрмейтін және нашар көретін азаматтармен жұмыс бөлімі «Бір ел – бір кітап» акциясы аясында назарларыңызға мемлекет қайраткері және ағартушы Ахмет Байтұрсынұлының шығармашылығына арналған «Тәлімгер» атты бір кітаптың бейнешолуын ұсынады.
Биыл Ахмет Байтұрсынұлының 150 жылдығы кеңінен атап өтіледі. Бұл бүкіл ел үшін және ең алдымен оның туған өңірі біздің өлкеміз үшін үлкен мереке. Оның тарих пен педагогиканың және қазақ тілінің дамуына қосқан үлесін бағалау өте қиын. Ахмет Байтұрсынұлының ғылыми-педагогикалық еңбектері нәтижесінде қазақ әліпбиі, фонетикасы, қазақ тілінің синтаксисі мен этимологиясы, әдебиет теориясы мен мәдениет тарихы қалыптасты.