Тұңғыш Президент күні – бұл өзінің  болашағы мен тағдырын таңдаған Қазақстан халқының тарихи таңдау күні. 1991 жылғы 1 желтоқсаннан бастап Қазақстанның демократиялық дамуының жаңа дәуірі басталды.

25 қарашада Қазақстан Республикасы Тәуелсіздігінің 30 жылдығын мерекелеу аясында және Қазақстан Республикасының тұңғыш Президенті күні қарсаңында Абонементтер бөлімі ҚР ІІМ ҚАЖК «УК - 161/1 мекемесі» РММ-де осы атаулы күндерге арналған «Жаңа дәуірдің көшбасшысы» кітап көрмесіне шолу өткізді.

Көрмеге Нұрсұлтан Назарбаевтың өмірі мен қызметі туралы 25-тен астам кітап қойылған, оларда оның қызметінің басталу хроникасы көрсетілген. Елбасының металлург, содан кейін қоғам және партия қайраткерінен тәуелсіз Қазақстанның тұңғыш Президентінің саяси көшбасшысына дейінгі жолы көрініс тапқан. Тыңдармандарға тұңғыш Президенттің шығармашылықпен де айналысатын адам екенін таныстырған бейнеролик көрсетілді.