1 қазан күні Қарттар күніне орай Л. Н. Толстой ОӘҒК көзі көрмейтін және нашар көретін азаматтармен жұмыс бөлімі «ҚСҚ» Рудный қалалық аумақтық  бастауыш ұйымымен және № 13 кітапхана-филиалмен бірлесе отырып дайындаған «Мейірімділік – жүректің жылуы» атты мерекелік бағдарлама көңіл жібітетін қамқорлықпен және қатысушылардың жанын жадыратқан жылулықпен өтті.

«ҚСҚ» РҚАӨБ  төрағасы А.А. Гевчук пен №13 кітапхана-филиалдың меңгерушісі В. В. Куренова жүрекжарды құттықтау сөздерін айтып, мерекеге жиналғандарға көтеріңкі көңіл күй, алдағы күнге деген сенімділік, мықты денсаулық және барлық тілектерінің орындалуын тіледі.

Әсіресе 1-топ мүгедегі Айсұлу Байболованың орындауындағы мейірімділік пен ізгілікке толы әндер жиналғандардың көңілін көтеріп, олардың ерекше ризашылығына ие болды.

Шарадан қайтқан әр қатысушы өзімен бірге жанашыр жанның жүрек жылуын және көтеріңкі көңіл күйді алып бара жатты.