Құрметті оқырмандар!

Қазақстан Республикасы Тәуелсіздігінің 30 жылдығы аясында Абонементтер бөлімі назарларыңызға жыл сайын 30 тамызда атап өтілетін Қазақстан Республикасының Конституция күніне арналған «Келісім мен тұрақтылық кепілі» кітап көрмесін ұсынады.

Қолданыстағы Конституция негізінде Қазақстан мемлекеттілігі нығайтылды, елдің әлеуметтік-экономикалық және саяси даму бағдарламаларын іске асыруға толық жауапты болатын Үкімет бастаған биліктің атқарушы органдарының бірыңғай тізімі бекітілді.

Көрменің көрнекті жеріне Конституциялық заңдар, Қазақстан Республикасының Президенті Қасым-Жомарт Тоқаевтың еңбектері қойылған. Н. Назарбаевтың «Қазақстан жолы», М. Серғалиевтің «Тілім менің – тінім менің», «Становление Конституции Республики Казахстан», Р. Медведевтің «Казахстанский прорыв» кітаптары да назар аударады және Қазақстан Республикасының экономикалық, саяси, әлеуметтік өмірінде болып жатқан барлық өзгерістерді жан-жақты ашып көрсетеді. Кітап көрмесін көруге шақырамыз. #Qazaqstan30