Балалар еңбегін пайдалану – қазіргі әлемнің негізгі мәселелерінің бірі. Бүкіл әлемде миллиондаған балалар өздерінің білім алуы мен дамуына кедергі келтіретін еңбекпен айналысуда. Бұл жағдай әр баланың құқығының бұзылуын және оған бейжай қарап отыруға болмайтынын білдіреді. 

Әмбебап оқу залында «Бала еңбегін пайдалануға жол жоқ!» ұранымен  «Балалық шақты бірге қорғайық» жедел көрмесі жұмыс істей бастады. Көрмеге Бала құқықтары туралы конвенция, «Бала еңбегі» жинағы, Еңбек туралы кодекс секілді нормативтік құқықтық құжаттар қойылған. Еңбек тәрбиесі туралы кітаптар мен мерзімді басылымдардағы материалдар балалар еңбегін ұйымдастырудың жаңа тәсілдерімен таныстырады.