24 ақпан Л.Н. Толстой ат. ҚОӘҒК өлкетану әдебиеттері бөлімі педагог, ағартушы, ғалым-этнограф Ыбырай Алтынсариннің туғанына 180 жыл толуына орай «Дала жұлдызы» атты онлайн дәріс өткізді. Іс-шараға А.Байтұрсынов ат. ҚӨУ Экономика және құқық институтының психология мамандығы бойынша студенттері қатысты. Биыл қазақтың көрнекті жаңашыл педагогы және жаңа мектептерді ұйымдастырушы, этнограф, фольклоршы, ақын, жазушы және аудармашы, жерлесіміз Ыбырай Алтынсариннің туғанына 180 жыл толады. Онлайн дәріске негізінен студент жастар қатысты, себебі Ыбырай Алтынсариннің жастарды шынайы байлықтың білім екендігіне сендіруге тырысқаны белгілі. Себебі тек білім ғана адамның мүмкіндіктерін арттырып, оны бақытты ете алады.