Бүгін Қостанай облысы әкімдігінің мәдениет басқармасының басшысы Ерлан Болатұлы Қалмақов 2020 жылы облысымыздың мәдениеті мен өнерін дамыту жолында белсенді қызмет атқарған жас мәдениет қызметкерлерін марапаттады. Рәсім Қостанай қаласындағы Жастар сарайында өтті. Карантин кезеңінде халықтың көңіл-күйін көтеру үшін онлайн режимінде белсенді еңбек еткен ұжымдар мен түрлі байқауларға белсенді қатысып, жетістіктерге жеткен қызметкерлер ақшалай сыйлықтармен және алғыс хаттармен марапатталды.

            Облыстық кітапхана ұжымы атынан әріптестеріміз Италмасов Айтжан Құрымғалиұлы мен Қостанай аудандық орталықтандырылған кітапхана жүйесінің аға әдіскері Кабакова Ғалия Бауыржанқызын құттықтаймыз! Ортақ ісімізде жаңа жетістіктерге жете берулеріңізге тілектеспіз.