Өнер туралы әдебиеттер бөлімінде 23 қыркүйектен бастап назарларыңызға күйші,  композитор,  «шертпе күй» мектебінің негізін қалаушылардың бірі Тәттімбет Қазанғапұлының 205 жылдығына арналған «Күй сазы – замана жаршысы» безендірілмелі кітап көрмесі жұмыс істейді.

Тәттімбет тақырыбы мен бағыты әртүрлі 40 астам күйдің: «Қосбасар», «Саржайлау», «Сары өзен», «Теріс қақпай», «Былқылдақ», «Боз айғыр», «Қара жорға» және т.б. авторы болып табылады. Тәттімбеттің күйлері жүректі толқытар нәзіктігімен, мағынасының тереңдігімен, көпшілік жағдайда лирикалық сарынмен басталуымен ерекшеленеді.  Тәттімбет шығармашылығының биік шыңы композитордың өмірінің соңғы жылдары шығарылған «Көкей кесті» күйі болып табылады.  Онда халықтың бай рухани әлемі, оның ғасырлар бойы жинақталған көркемдік тәжірибесі көрініс тапқан. Кітап көрмесі ай бойы жұмыс істейтін болады.