8 маусымда Өлкетану әдебиеттері бөлімі А. С. Пушкиннің 221 жылдығына арнап жасалған «Пушкинский день в Костанае» фильмінің онлайн таныстырылымын өткізді. Таныстыру барысында фильм авторлары оны жасау туралы ойдың қалай пайда болғаны, түсірулердің қалай өткені туралы айтып беріп, арасында қаламыздың ақындары, музыканттары, мүсіншілері, актерлері, балалар театр студиясының мүшелері бар аталған жобаның көптеген қатысушыларына алғыстарын айтты. Осының арқасында фильм тартымды, көңілді және шынайы шықты. Қатысушының әрқайсысы ақын шығармашылығынан өзіне ұнайтын, жүрегіне жақын шығармасын таңдап алып, өзінің ешкімге ұқсамайтын дауысымен оқып шықты. Шара соңында фильмді жасаушылар А. С. Пушкиннің шығармашылығы мен өмірін насихаттауды көрнекі құралдарды пайдалана отырып, түсірулерге қаланың зиялы қауымын ғана шақырып қоймай, қарапайым тұрғындарын да тарта отырып жалғастыру туралы ойларын білдірді.
Қарау үшін сілтеме бойынша өтіңіздер: https://www.youtube.com/watch?v=ZYABgJLpypA