13 наурызда «Рухани жаңғыру» мемлекеттік бағдарламасын, ҚР тұңғыш Президенті Н. Ә. Назарбаевтың «Ұлы даланың жеті қыры» мақаласын жүзеге асыру аясында Әмбебап оқу залы Қостанай педагогикалық колледжінде «Латын әліпбиі – рухымызды жаңғыртудың жарқын жетістігі» ақпараттық сағатын өткізді.
Шарада қазақ жазуын латын қарпіне көшірудің қажеттілігі айтылып, студенттерге осы тақырып аясындағы ғылыми ізденістер мен республикалық деңгейдегі ғалымдардың зерттеулері таныстырылды, қазіргі кездегі ғылыми ақпарат туралы пікір алысты. Бұл кездесудің басты қонағы профессор, филология ғылымдарының кандидаты, А. Байтұрсынов ат. ҚМУ оқытушысы А. А. Әбсадықов болды.
Шара «Латын әліпбиі – рухани жаңғыру бастауы» кітап көрмесімен және аталған тақырып бойынша дайындалған бейнесюжетпен сүйемелденді.