Ұсынылып отырған ғылыми монография XIX ғасырдьң соңғы ширегінен бастап XX ғасырдың басына дейінгі уақыт аралығында Оңтүстік Қазақстанда өмір сүрген немістердің тарихын әлеуметтік демографиялық қырынан зерттеуге арналады. Зерттеу жұмысында Түркістан өлкесінің Сырдария облысына қарасты Шымкент, Әулиеата, Ташкент және Перовск уездерінің, яғни қазіргі географиялық атауға ие болып отырған Оңтүстік Қазақстан территориясында немістердің алғаш қоныстану аймағы және әлеуметтік құрылымы зерттеледі. Сонымен қатар Бірінші дүниежүзілік соғыс уақыты және өлкеде Кеңес үкіметі орнаған жылдардағы Оңтүстік Қазақстандағы неміс диаспорасының әлеуметтік құрылымындағы өзгерістер мен ішкі көші-қон мәселелері қарастырылады.