Оқу құралы адам мен жануарлар тіршілігінің химиясы, яғни бұл оқу құралында азық-түлік биохимиясы, оның адам организмге әсері сөз болады.

Организмдерді зерттеу бағыты бойынша биохимияны статистикалық (зерттелетін заттардың химиялық табиғаты және қасиеттері жайында), динамикалық (заттардың организмге түсу кезеңінен олардың зат алмасудың артық өнімдерінің шығуына дейінгі өзгерістері) және функциональдық (органдардың, тканьдердің және клеткалардың, жалпы біртұтас организмнің физиологиялық әрекетінің химиялық негіздері жөнінде) биохимияға бөлінеді.

Оқу құралында зертханалық жұмыстар, тәжірибелік сабақтары мен студенттердің оқытушы басқаруымен орындайтын өзіндік жұмыстары және өз бетінше орындайтын өзіндік жұмыстары туралы мәліметтер мен тапсырмалар, бақылау және тест сұрақтары, рефераттар тақырыптары әрбір тақырыпқа сай берілген.

Оқу құралы – жоғары оқу орындарының биотехнология және технологиялық т.б. мамандықтарда кредиттік технология бойынша оқитын студенттер мен олардың оқытушыларына арналған. Сол сияқты ауылшаруашылық, азық-түлік дайындау және сақтау, денсаулық сақтау саласындағы мамандар мен қызметкерлер дайындау және кәсіби білім біліктілік деңгейін көтеруде қолдануға болады.