Өнер туралы әдебиеттер бөлімінде «Французский альянс» ҚБ (Қазақ-француз мәдени орталығы, Қостанай қ.) Қостанай филиалы өкілдерінің және А.Байтұрсынов ат. ҚМУ аға оқытушысы А.Щербаковтың қатысуымен «Қазақстан мен Франция арасындағы мәдени байланыс» тақырыбына кездесу өткізілді. Кездесуге «Зерек» колледжінің 2 тобы шақырылды. Филиал директоры Г.К.Жаңбыршина мен Гренобль қ. келген француз орталығының тәжірибеден өтушісі магистрант Анаис Мурэ Қазақ-француз мәдени орталығының жұмысы туралы айтып берді. Г.К.Жаңбыршина, А.Сухова және француз магистранты кітапханаға француз суретшісі Доминик Сосоликтің (Дижон қ.) монотопия стилінде орындаған және А.М.Щербаков безендірген 20 жұмысын сыйға тартты.