12 шілдеде әдеби қонақжайда тұңғыш қазақ әйел журналист Назипа Құлжанованың туғанына 130 жыл толуына орай «Қазақ қыздарынан шыққан тұңғыш журналист - Нәзипа Құлжанова» атты кеш өтті.
Журналистер – сөзді ерекше сезініп, түсінетін адамдар. Орынды әрі нақты таңдалып алынған сөздер мақалаға бірегей әрі терең ой салады. Ал әйел журналистер осы мақаланы одан да ерекше сезімге бөлейді.
Кездесу барысында кітапхана қызметкерлері Сұлтанмахмұт Торайғыров «Таныстыру» поэмасын арнаған мықты, еркін әйелдің өмірі туралы баяндады. Ақын оның адал, нәзік, қайырымды және іскерлік қасиеттеріне ерекше көңіл аударған. «Соңғы қасиеті – деп жазады ақын, - тіпті көптеген ер адамдардың бойында да жоқ».