13 сәуірде Халықаралық кітаптар бөлімі «Мәдениеттер мен өркениеттер диалогы» тақырыбымен елтану бағытындағы ақпарат сағатын өткізді. Шараға тарих ғылымдарының кандидаты, ЧелМУ әлеуметтік-гуманитарлық және жаратылыстану-ғылыми пәндер кафедрасының доценті, кітапхананың байырғы оқырманы П.С.Шаблей қатысты.
Жас ғалымның ғылыми жұмыстарын назарда ұстап отырған шетелдік әріптестері оны әлемнің көптеген елдерінде өтетін ғылыми конференцияларға қатысуға жиі шақырып отырады.
Ғалыммен кездесуге ЖОО, колледждердің студенттері, қаланың шығармашылықпен айналысып жүрген адамдары келді. Павел Сергеевич шетелдерде алған әсерлерін ортаға салып, Жапонияның, АҚШ пен Голландияның мәдени өмірлеріне, аталған елдердің білім беру мәселелеріне, тұрғындарының басымдық беретін құндылықтарына кеңірек тоқталды.