2015 жылы қазанның 20 жұлдызында Қостанай қаласындағы Л.Толстой атындағы кітапханада Ұлттық музыкамызды дәріптеп келе жатқан, Қостанай қаласының «Ақжелең» қазақ фольклорлық музыка ансамблімен кездесу өткізілді. 1992-1993 жылдар аралығында құрылған ансамбль күні бүгінге дейін халыққа қазақ өнерін насихаттап келеді. Кездесу барысында ансамбльдің белгілі тарлан талантарымен танысып, өздерінің халықаралық және елімізде болған жаңалықтарымен бөлісті. Халқымыздың руханиятына, өнеріне өлшеусіз үлес қосқан «Ақжелең» ансамблі репертуарындағы Ықыластың «Аққу» күйін, Е.Үсеновтың «Арбакеш» әнін, «Алтын дала» күйін, А.Құдайбергеновтың «Желдірме» т.б. әндерін орындап, көрерменді тәнті етті.