12 қарашада Л. Н. Толстой атындағы Қостанай облыстық әмбебап ғылыми кітапханасының «Америка бұрышы» АРО-ның халықаралық кітап секторының қызметкерлері «Зерек» колледжінің курсты бітірушілері – болашақтағы ағылшын тілі мұғалімдері үшін «АҚШ білім беру бағдарламалары мен университеттері» тақырыбында таныстырылым өткізді. Кездесудің мақсаты студенттерді академиялық оралымдылық пен мәдениетаралық өзара іс-қимылды дамытуға бағытталған халықаралық білім беру бағдарламаларына қатысу мүмкіндіктерімен таныстыру болды.
Ағылшын тілінде өзінің ана тіліндей еркін сөйлейтін «Fulbright 2025 – 2026» бағдарламасының студенті Александр Дворниковскийдің сөз сөйлеуі қатысушылардың назарын ерекше аударды. Ол халықаралық ортада білім алу және жұмыс істеу тәжірибесімен бөлісті, АҚШ-тағы өмірдің мәдени ерекшеліктері туралы айтып берді және студенттердің сұрақтарына қызығушылықпен жауап берді.
Іс-шара жоғары деңгейде өтті, аудиторияның қызығушылығын тудырды және ағылшын тілін одан әрі үйренуге және халықаралық білім беру бастамаларына қатысуға деген ынталарын арттырып, жетістікке деген сенімдерін бекіте түсті.