21 қазанда Л. Н. Толстой атындағы Қостанай ОӘҒК қызметкерлері тігінші және блогер Анастасия Лесниковамен кездесу кешін өткізді.
Анастасия Қостанай қызмет көрсету колледжін «сәнгер-пішуші» мамандығы бойынша бітірген. Ол өз кәсібімен шығармашылықпен айналысады, сондай-ақ оны Интернетте жоғары деңгейде көрсете біледі. Кездесу барысында Анастасия қызықты шеберлік сыныбын өткізіп, өзі және өзінің мамандығы туралы айтып берді, аудиторияның сұрақтарына жауап берді. Көрермендердің ішіндегі ең белсендісі кішкентай сыйлық алды – Анастасия кеш барысында тіккен, өз шеберханасының таңбасы басылған шоперге ие болды.