20 қыркүйекте Л. Н. Толстой атындағы Қостанай облыстық әмбебап ғылыми кітапханасы көрнекті публицист, еркіндік пен ұлттық сана үшін күрескен Міржақып Дулатовтың туғанына 140 жыл толуына арналған «Міржақып Дулатұлы және ұлт руханияты» республикалық ғылыми-практикалық конференциясына қатысты. Конференцияда кітапхана қызметкерлері жиналғандардың назарына «Халықты оятқан қаламгер» атты кітап көрмесін ұсынды. Көрмеге көрнекті қайраткердің шығармалары, оның өмір жолын бейнелейтін басылымдар мен фотоматериалдар қойылды. Әр шығарма қатысушыларға ұлттық тарихтың терең тамыры мен рухани мұраның мәңгілік құндылығын еске салды.
Іс-шара қонақтары мұрасы бүгінгі күнге дейін ұрпағына шабыт беріп келе жатқан, тарихқа деген мақтаныш сезімін оятатын және өскелең ұрпақ үшін адамгершілік бағдар ретінде қызмет ететін қазақ халқының ұлы перзентінің бай рухани әлемін жақынырақ білуге мүмкіндік алды.