18 қыркүйекте Л. Н. Толстой атындағы Қостанай облыстық әмбебап ғылыми кітапханасы «Өрлеу» біліктілікті арттыру ұлттық орталығының тыңдаушылары – ағылшын тілінің мұғалімдері үшін шолу экскурсиясын өткізді.
Оқытушылар кітапхананың тарихымен, оның құрылымымен және негізгі жұмыс бағыттарымен танысты. Экскурсия барысында қонақтар өнер туралы әдебиеттер бөлімінде, абонементтер бөлімінде, өлкетану әдебиеттері бөлімінде және сирек кітаптар мұражайында, әмбебап оқу залында, «Америка бұрышы» ақпараттық-ресурстық орталығында болды.
Кітапхана қызметкерлері әр бөлімнің жұмысы, кітапхана қорын пайдалану ережелері туралы айтып берді.
Кездесу соңында қатысушылар кітапхана қызметкерлеріне алғыстарын білдірді.