26 тамызда Қостанай облыстық әмбебап ғылыми кітапханасында Қазақстан Республикасының Конституциясы күніне орайластырылған «Конституция – бейбітшілік пен тұрақтылықтың негізі» тақырыбында дөңгелек үстел өтті.
Дөңгелек үстелге Қостанай облысы Әділет департаментінің әкімшілік бөлімінің басшысы С. С. Аитова, А. Байтұрсынұлы атындағы Қостанай өңірлік университетінің мемлекет және құқық теориясы кафедрасының аға оқытушысы Г. К. Мұқашева, №17 жалпы білім беретін мектептің тарих пәнінің мұғалімі К. Н. Жоламанова, А. Байтұрсынұлы атындағы Қостанай өңірлік университетінің әлеуметтік-гуманитарлық ғылымдар факультеті деканының тәрбие жұмысы жөніндегі орынбасары Р. Б. Жүсіпов, Қазақстан Республикасы Ұлттық ұланының 6697 ә/б жедел батальон командирінің тәрбие және әлеуметтік-құқықтық жұмыс жөніндегі орынбасары лейтенант А. М. Құрымбай қатысты.
Іс-шара барысында қатысушылар Конституцияны қабылдаудың тарихи аспектілерін, оның құқықтық мемлекеттің қалыптасуындағы және азаматтық құқықтар мен бостандықтарды қамтамасыз етудегі рөлін талқылады.
Іс-шара Қазақстан Республикасының Конституциясына арналған кітап көрмесімен сүйемелденді, онда елдің конституциялық даму тарихы бойынша материалдар, заңдарға түсініктемелер және құқық саласындағы заманауи зерттеулер ұсынылды.
Дөңгелек үстел азаматтық жауапкершілік пен отаншылдықты нығайтуға ықпал ететін сындарлы диалог пен пікір алмасу алаңына айналды.