Өнер туралы әдебиеттер бөлімінде Винилді күйтабақтар күніне арналған «Өткенге деген сағыныш» атты көрме-танысу рәсімделді.
Қазіргі кезде күйтабақ тек коллекциялық зат ретінде ғана емес, сонымен бірге музыкамен ерекше, шынайы байланыстың символы ретінде қайтадан танымал бола бастады.
Көрмеде музыкалық басылымдар, граммофон табақтары, аты аңызға айналған орындаушылардың фотосуреттері және өз заманының иконасына айналған мұқабалар бар.
Барлығыңызды өткен ғасырдың музыкалық мәдениетімен танысуға, сүйікті әуендеріңізді еске түсіруге және винилді күйтабақтың кереметін сезінуге шақырамыз. Көрме айдың соңына дейін жұмыс істейді.