4 тамызда Л. Н. Толстой атындағы Қостанай облыстық әмбебап кітапханасының қонақжайында Қазақстанның еңбек сіңірген қайраткері, белгілі актер Ерболат Қасымұлы Тоғызақовпен шығармашылық кездесу өтті.
Ерболат Қасымұлы шығармашылық жолында «Қазақфильм» киностудиясында әкімші болып, 2008 жылы Ермек Тұрсыновтың «Келін» фильміне алғаш рет түскен. Ол халықаралық кинофестивальге қатысып, лауреат та атанған. Ерболат Тоғызақовпен кездесу – оның әкесі, дарынды жерлесіміз, ақын Қасым Тоғызақовтың туған жеріне келуіне орай өткізілді.
Іс-шараға қатысушылар заманауи кинематографтың өмірі мен қызметі, құндылықтары мен қарым-қатынас туралы сұрақтар қоя алатын тамаша алаңға айналды. Жиынға қаламыздағы зиялы қауым өкілдерімен қатар, Ерболат Тоғызақовтың достары мен шығармашылығына тәнті болған өнерсүйер қауым қатысты.