24 маусым күні Л. Н. Толстой атындағы Қостанай ОӘҒК қонақжайында Қостанай облысы прокуратурасы ардагерлерінің кітапханаға сыйға кітап беру рәсімі өтті. Акция алдағы жылы болатын Қостанай облысының 90 жылдығына және Қостанай облысы прокуратурасының 90 жылдығына орайластырылды.
Төрт бірдей керемет басылым кітап қорын толықтырды, енді оларды барлық оқырман пайдалана алатын болды. Ең алдымен, бұлар прокуратура органдарының алдыңғы мерейтойына орай шығарылған «Тарих беттері» және «Заңдылық күзетінде 80 жыл» жинақтары. Оларда Қостанай прокуратурасының тарихына және жекелеген қызметкерлердің өмірбаянына қатысты материалдар келтірілген. «Генерал Ержанов» кітабы мемлекетіміздің құқықтық негіздерін құруға белсенді қатысқан тәуелсіз Қазақстанның бірінші Әділет министрі, өмірінің қырық жылын заңға қызмет етуге арнаған адамды еске алуға арналған. Руслан Тамаевтың «Записки прокурора» естеліктері біз үшін ерекше құнды, өйткені автор – Ресейдің Бас прокуратурасының ең құрметті және жауапты қызметкерлерінің біріне айналған Қазақстанның тумасы.
Өз сөзінде Л. Н. Толстой атындағы Қостанай ОӘҒК басшысы С. С. Безаубекова оқырмандар тарапынан сөзсіз сұранысқа ие болатын баға жетпес үлестері үшін сыйға тартушыларға алғысын білдірді, сондай-ақ қашықтан пайдаланушыларға электрондық түрде қолжетімді болуы үшін аталған басылымдарды цифрландыруды тапсырды.