Биыл бүкіл жер жүзі Кеңес халқының фашизмді жеңген ұлы Жеңісінің 80 жылдығын атап өтуде. Бұл ешқашан қайталанбауы үшін есте сақталуы тиіс соғыс. Бұл жер басып жүргендердің барлығы өздерін құрбан етіп, бізге бейбіт өмір сыйлағандарға құрмет көрсетіп, бас иетін күн.
Өнер туралы әдебиеттер бөлімі Жеңіс күнінің құрметіне соғыс тақырыбындағы кинофильмдер циклін бастайды. Әсіресе бұрынғы кеңестік фильмдерге ерекше назар аударылады: себебі оларды от пен оқтың ортасында болған, жолдастарын өз қолдарымен жерлеген, жоқшылықты, аштықты басынан өткізген, кезбелікке салынған, тіпті өмірден түңілген сәттері де болған жандар жасаған. Соған қарамастан, олар өмір үшін күресе білді, өмір сүріп қана қоймай, келер ұрпаққа қасіретке толы болса да өткен уақыттың маңызды хабарын жеткізіп кетті.
Ұсынылған фильмдердің ішінен «Они сражались за Родину», «Вечный зов», «Летят журавли», «Судьба человека», «А зори здесь тихие», «Земля отцов», «Щит и меч» және т.б. туындыларды тамашалауға болады.