Құрметті оқырмандар! Әмбебап оқу залы назарларыңызға Ұлттық домбыра күніне арналған «Ұлттық домбыра күні» кітап көрмесін ұсынады. Қазақ халқының ең көне музыкалық аспабы – домбыраға арналған бұл мереке жыл сайын шілденің бірінші жексенбісінде атап өтіледі. Домбыра – Қазақстанның ұлттық мәдениеті мен музыкалық мұрасының символы.
Көрмеде «Домбыра», «Домбыра туралы аңыз», «Домбыра өнері және эстетикалық тәрбие» секілді кітаптармен, сондай-ақ домбырада ойнауды үйренгісі келетіндер үшін тамаша көмекші бола алатын Ж. Нәжімеденовтің «Домбыра тартып үйренеміз» құралымен таныса аласыздар. Экспозицияда QR-кодтар ұсынылған, олардың көмегімен аудио және бейнематериалдарға қол жеткізуге, белгілі күйшілердің күйлерін тыңдауға, сондай-ақ домбыра және оның Қазақстан мәдениетіндегі рөлі туралы қосымша ақпарат алуға болады.
Баршаңызды қазақ мәдениетінің бай мұрасымен жақынырақ танысуға және бір ай бойы жұмыс істейтін көрмемізге келуге шақырамыз.