5 маусымда Л. Н. Толстой атындағы Қостанай облыстық әмбебап ғылыми кітапханасында орыс әдебиетінің классигі Александр Сергеевич Пушкиннің туғанына 226 жыл толуына арналған дәстүрлі іс-шара өтті.
Өлкетану әдебиеттері бөлімінің әдеби-ақпараттық секторының қызметкерлері ақынның өмірбаянынан жиналған қызықты фактілермен бөлісіп қана қоймай, шағын өлкетану викторинасын өткізді. Ал «Star Kids» актерлік шеберлік студиясының балалары А. С. Пушкиннің шығармалары бойынша спектакль көрсетті. Кеш барлық тілек білдірушілер өздеріне ұнайтын А. С. Пушкиннің өлеңдерін оқып, «Пушкин күнінен» алған әсерлерімен бөлісуге мүмкіндік берген «бос микрофонмен» аяқталды.