26 мамырда Л. Н. Толстой атындағы Қостанай облыстық ғылыми әмбебап кітапханасында А. Байтұрсынұлы атындағы Қостанай өңірлік университетінің студенттері үшін шолу экскурсиясы өтті.
Болашақ мамандар кітапханамен аймақтың маңызды мәдени, білім беру және демалыс орталығы ретінде танысты. Экскурсия аясында олар әртүрлі бөлімдерге барып, олардың функциялары мен жұмыс ерекшеліктері туралы білді.
Студенттер кітаптардың бай және алуан түрлі әлеміне еніп, кітапханада ұсынылған ақпараттық ресурстармен: кітап көрмелерімен, жаңа әдебиеттермен, сирек кездесетін кітаптармен, анықтамалық әдебиеттермен, сирек кітаптар мұражайының бірегей экспонаттарымен және Брайль қарпімен басылған арнайы кітаптармен жан-жақты танысты.
Экскурсия студенттерге кітапхананың облыстың басты ақпараттық-мәдени орталығы ретіндегі мүмкіндіктері туралы толық мағлұмат алуға мүмкіндік берді.