23 мамырда Л. Н. Толстой атындағы Қостанай облыстық әмбебап ғылыми кітапханасының қызметкерлері жазушы Михаил Александрович Шолоховтың туғанына 120 жыл толуына және оның «Көтерілген тың» романының жарық көргеніне 65 жыл толуына арналған әдеби кеш өткізді.
М. А. Шолохов – ХХ ғасырдың ең көрнекті жазушыларының бірі, әдебиет бойынша Нобель сыйлығының иегері, «Тынық Дон», «Көтерілген тың», «Они сражались за Родину» сияқты танымал шығармалардың авторы.
Іс-шара барысында студенттер, оқушылар және шығармашыл зиялы қауым өкілдері М. А. Шолоховтың өмірінде орын алған қызықты фактілермен танысып қана қоймай, оның шығармаларын, атап айтқанда «Көтерілген тың» романын егжей-тегжейлі талқылады. Сондай-ақ қатысушылар М. А. Шолоховтың шығармалары бойынша түсірілген көркем фильмдерден үзінділер көріп, викторинаға қатысты.