06 мамыр күні Көзі көрмейтін және нашар көретін азаматтармен жұмыс бөлімінде Ұлы Отан соғысындағы Жеңістің 80 жылдығына арналған «Жадымызда жүрер жорық жолы» атты жорық жырларын дауыстап оқу сағаты өтті.
Жеңіс күні – ерліктің, бірліктің және жеңіске зор үлес қосқан қазақстандықтардың қаһармандығын еске алудың символы. Іс-шарада соғыс жылдарындағы өлеңдер оқылып, осы кездің әндері шырқалды, мұрағаттық кадрлар көрсетілді.
Көрермендер өздерінің эмоцияларын жасырмады: сахнаға шыққандарға зор қошемет көрсетілді, көпшілігі көздеріне жас алды. Бұл ата-бабаларымызды еске түсірудің, олардың ұлы ерлігі үшін ризашылық пен мақтаныштың көз жасы болды. Біз майдангерлер мен тыл еңбеккерлерінің ерен ерлігін құрметтейміз, өткенді есте сақтаймыз және оны болашақ ұрпаққа жеткіземіз.