Л. Н. Толстой атындағы Қостанай облыстық әсбебап ғылыми кітапханасы ҚР ІІМ Қылмыстық-атқару жүйесі комитетінің «№38 мекемесі» РММ қабырғасында ұлы философ және ойшыл Әбу Насыр әл-Фарабидің туғанына 1155 жыл толуына арналған пайымдау сағатын өткізді.
Іс-шара барысында қатысушылар Шығыстың ұлы ғалымдары мен философтарының бірі саналатын Әл-Фарабидің өмірімен және ғылыми жұмысымен танысты. Талқылауда Ә. Әлімжановтың «Ұстаздың оралуы» және Ж. Алтаевтың «Философия Аль-Фараби» шығармалары сөз болды. Кездесуге қатысушылар алған әсерлерімен және Әл-Фарабидің философиялық идеяларының қазіргі әлем үшін маңызы туралы өз ойларымен бөлісті.
Іс-шара аясында кітап көрмесі ұйымдастырылып, онда философтың өмірі мен ғылыми еңбектеріне арналған жұмыстар ұсынылды. Іс-шара оқырмандарға Әл-Фараби мұрасының маңыздылығын тағы да еске салатын бейнематериалдарды таныстырумен аяқталды.