Л. Н. Толстой атындағы Қостанай облыстық әмбебап ғылыми кітапханасының көзі көрмейтін және нашар көретін азаматтармен жұмыс бөлімінің Рудный қ. филиалында Ұлы Отан соғысының 80 жылдығына арналған «Бауыржан Момышұлы – ғасыр адамы» атты әдеби қонақжай өтті.
Іс-шара барысында оқырмандар Ұлы Отан соғысына қатысушының өмірбаянымен, аңызға айналған ерліктерімен және жазушылық талантымен танысып, «За нами Москва» романына, «Наша семья» повесіне шолу жасады және оның шығармаларынан үзінділер оқыды. Бауыржан Момышұлының барлық шығармалары деректі материалдарға негізделген, оларда ойдан шығарылған оқиғалар мен кейіпкерлер жоқ.
Бұл іс-шара қатысушылардың жазушының шығармашылығына деген қызығушылығын және мемлекетіміздің тарихи өткеніне деген құрметін оятты.