Л. Н. Толстой атындағы Қостанай облыстық әмбебап ғылыми кітапханасы Қазақстан Республикасы Конституциясының 30 жылдығын мерекелеу аясында Қостанай жоғары экономикалық колледжінде «Конституция – бейбітшілік пен тұрақтылықтың негізі» тақырыбында әңгіме-практикум өткізді.
Қызметкерлер Конституцияның тарихын айтып берді. Іс-шара барысында студенттер қоғамды дамыту үшін заңдылық пен құқықтық тәртіпті сақтаудың маңызы, сондай-ақ Конституцияның елдегі бейбітшілік пен тұрақтылықты қамтамасыз етудегі маңыздылығы туралы білді.
Іс-шара соңында оқушылар еліміздің негізгі заңының баптары бойынша практикалық тапсырмаларды орындап, осы тақырып бойынша бейнеролик қарады.