18 сәуірде Л. Н. Толстой атындағы Қостанай облыстық әмбебап ғылыми кітапханасында Ұлттық кітап күніне орайластырылған «Кітапхана түні – 2025» әлеуметтік-мәдени акциясының ашылуы өтті. Ашылу салтанатында Қостанай облысы әкімдігінің мәдениет басқармасы басшысының орынбасары Жүсіпов Саят Дәулетұлы сөз сөйледі. Іс-шараға жергілікті ұйымдардың өкілдері, қала қонақтары және түрлі бағыттағы бағдарламаға белсенді атсалысқан әдебиет сүйер қауым қатысты. Қонақтар әдеби оқулардан, шеберлік сыныптарынан, жаңа кітаптардың тұсаукесерлерінен және тақырыптық көрмелерден ләззат алды. «Кітапхана түні – 2025» акциясы кітап оқуды және өңірдің мәдени дамуын насихаттауға ықпал еткен жарқын оқиға болды.