Әмбебап оқу залы Наурыз мерекесі аясында қазақ халқының ұлттық құндылықтарына, мерекелік салт-дәстүрлері мен әдет-ғұрыптарына арналған «Ұлттық мәдениеттің негізі – салт-дәстүр» танымдық сағатын өткізді.
Іс-шара мерекелік рәсім – молшылықтың, қуаныш пен қонақжайлылықтың символы болып табылатын шашумен басталды.
Кездесу барысында жаңа өмірдің басталуын бейнелейтін театрландырылған «Бесікке салу» рәсімі көрсетілді, оған «Қазақ аналары – дәстүрге жол» республикалық қоғамдық бірлестігінің Қостанай облыстық филиалының төрағасы, Аналар кеңесінің мүшесі Сүндетбаева Гүлжамила қатысты.
Танымдық сағат тақырыптық кітап көрмесімен, музыкалық нөмірлермен, викторинамен, Наурыз мерекесі туралы қызықты деректермен және бейнесюжеттермен сүйемелденді.
#гидқазақстанға #гидпоказахстану