20 желтоқсанда әдеби қонақжайда жазушы Шыңғыс Төреқұлұлы Айтматовтың туғанына 95 жыл толуына арналған «Ғасырдан да ұзақ күн» атты әдеби кеш өтті. Қатысушылар жазушының өмірбаянымен және шығармашылығының ерекшеліктерімен танысып, оның сұхбаты жазылған бейнесюжетті тамашалады. Облыстық орыс драма театрының актері Сергей Щербинин Ш. Т. Айтматовтың аттас романы бойынша қойылған «Плаха» спектаклінен үзінді орындады. Іс-шара Шыңғыс Айтматов шығармаларының көркемдік, эстетикалық және әлеуметтік-қоғамдық маңызы зор екенін тағы да растады.