24 қарашада кітапхананың жиналыс залында «Встреча друзей» музыкалық клубының қатысуымен «Домбыраның қос ішегінде» атты ұлттық музыка кеші өтті. Концерт аясында клуб қатысушылары тыңдаушыларға музыкалық этюдтерді тарту етті, вокалдық топтың әншілері Шәмші Қалдаяқовтың әндерін орындады. Педагогикалық институттың өнер кафедрасының 2-ші курс студенті Сәния Жұматаева домбырада қазақ композиторы Құрманғазының «Адай» шығармасын орындады. «Карамельки» би студиясының қатысушылары орындаған қазақ билері кештің сәнін келтіре түсті.
Кеш қонақтары қазақ композиторларының шығармашылығы және «Қыз Жібек», «Қозы Көрпеш – Баян сұлу» лиро-эпостық жырының пайда болу тарихы жайындағы «Ұлттық музыка – өшпес құндылығымыз» атты безендірілмелі кітап көрмесімен танысты.
#Гидқазақстанға #ГидПоКазахстану