Әмбебап оқу залында жазушы, публицист, әлем әдебиетінің қайраткері Лев Николаевич Толстойдың туғанына 195 жыл толуына арналған «Лев Толстой әлемі» атты кітап көрмесі безендірілді.

 Кітап көрмесінде жазушының өмірі мен шығармашылығы жайындағы кітаптар, шығармалар жинақтары, көпшілікке танымал және әйгілі шығармалары ұсынылған.

Қызы Александраның «Отец. Жизнь Льва Толстого» кітабы отбасының өмірін сенімді түрде бейнелейді, күрделі отбасылық қатынастарды көрсетеді. Л. Н. Толстойдың «Избранные философские произведения» жазушының діни-этикалық көзқарасын, діннің, жақсылық пен жамандықтың пайда болуының мәнін көрсетеді.

Оқырмандар жазушының шығармаларымен қазақ, орыс және ағылшын тілдерінде таныса алады.

Классикалық әдебиетті сүйетіндер мен бағалаушыларды көрмемен танысуға шақырамыз.