19 тамызда Л. Н. Толстой атындағы ҚОӘҒК әмбебап оқу залы жазушының туғанына 195 жыл толуына арналған «Философия и литературное наследие Л. Н. Толстого» атты әдеби кездесу өткізді.

 Іс-шара қала күнін мерекелеу және «Kostanay Book Fair» II кітап көрме-жәрмеңкесін өткізу аясында өтті.

Кездесуде әлемдік әдебиет классигінің әдеби шығармашылығы, өмірінде орын алған жарқын сәттері мен қызықты оқиғалар туралы айтылды.

Профессор, философия ғылымдарының кандидаты Д. А. Качев пен профессор, тарих ғылымдарының кандидаты С. В. Самаркин Л. Н. Толстойдың шығармашылығына философиялық және тарихи көзқарастарын білдіріп сөз сөйледі.

Кездесу Л.Н.Толстойдың өмірі мен шығармашылығы жайындағы кітап көрмесімен, ұлы жазушының дәйексөздері мен қанатты сөздері  жазылған және осы кездесу жайындағы естелік ретінде қонақтарға таратылған кітап бүктемелерімен сүйемелденді.