Құрметті оқырмандар! Өлкетану әдебиеттері бөлімінің сирек кітаптар мұражайы назарларыңызға әдебиеттанушы, публицист және жазушы Николай Гаврилович Чернышевскийдің туғанына 195 жыл толуына арналған «Намыс пен ізгілікті ту еткен» атты кітап көрмесін ұсынады.

Чернышевский өзінің батылдығын да, талантын да адамдарға арнап, «бір күндік атақ үшін өмір сүрмей, жұртымен бірге жасайтын, адамзатқа пайдасы тиер жұмыс істеу керек» деген арманын жүзеге асырды.

Кітап көрмесінде басқа басылымдармен қатар Н. Г. Чернышевскийдің (1906 ж.) толық шығармаларының жеке томдары, көрнекті ойшылдың бір томдық шығармасы (1934 ж.), оның барлық маңызды эстетикалық және әдеби-сыни шығармалары, сондай-ақ суреттермен көркем безендірілген «Жизнь и творчество Н. Г. Чернышевского» (1988) атты кітабы ұсынылған.