17 ақпанда қонақжайда белгілі қостанайлық ақын Владимир Леонидович Растегинді еске алуға арналған «И столько смысла меж словами…» атты кеш өтті.
В. Л. Растегин 1959 жылы 30 желтоқсанда Қостанайда дүниеге келді және бүкіл өмірін әдебиет жұмысына арнады. Мамандығы бойынша құрылысшы болған ол көпірлер, үйлер және ең бастысы «Ковчег» аймақтық әдебиет бірлестігінің ғимаратын тұрғызды. Бірлестікті 20 жылдан астам уақыт бойы басқарған Владимир Леонидович үнемі жаңа авторлар мен жұмыстың жаңа түрлерін: байқауларды, семинарларды, көпшілік оқуларды іздеумен болды. 1997 жылы «Берега» журналы жарық көрді. 2000 жылы «Крылья» жастар студиясы өмірге келді. Бұдан кейін «Солтүстік Қазақстан әдебиетшілер қауымдастығы» пайда болды.
Ақын әрі мәдениет қайраткерін еске алуға қазіргі және бұрынғы «ковчегтіктер», қаламдас әріптестері, оның талантын сүйетіндер, филология студенттері келді. Ұйымдастырушылар Владимир Леонидовичтің өлеңдерін оқу, ол туралы естеліктер айту, А. Антоновтың орындауындағы музыка аясында сахналық жағдай жасауға тырысты.
Іс-шара оның барлық қатысушыларының шынайы ризашылығын тудырды, олар қостанайлық ақынның есімі өшпейтініне, ал оның ісі жалғаса беретініне сенім білдірді.