Қазақстандағы балалар мен жасөспірімдердің кітап оқуына қолдау көрсету жылы аясында 6 сәуірде өлкетану әдебиеттері бөлімінің әдеби-ақпараттық секторының кітапханашысы Татьяна Тихомирова мен филология ғылымдарының магистрі, Тюмень қ. ақыны Светлана Глебованың ұйымдастыруымен Халықаралық оқырмандар марафоны басталды. Тікелей эфирде шараны ұйымдастырушылар қатысушыларға оқуға ұсынылатын 4 шығарманы атады. Алдағы аптада марафонға қатысушылар талдайтын алғашқы шығарма Пауло Коэльоның романы – «Алхимик» әлемдік бестселлері болмақ. Қатысушылар оны оқуды бастап кетті. Талқылауға сарапшылар: педагогтар, филологтар, жазушылар тартылады.

Жоба бірден бірнеше мақсатты көздейді: бұл жасөспірімдердің кітап оқуға деген қызығушылығына қолдау көрсету, екі елдің әдеби және мәдени тәжірибесімен алмасу, кітап оқуға қатысты мәселелердің спектрін белгілеу, сондай-ақ оларды шешудің жолдарын қарастыру. Марафон 4 аптаға созылады. Оның қорытындысы «Кітаптан алған әсерім» атты үздік эссе байқауы болмақ. Барлық қатысушыларға сертификаттар беріледі.