«Адалдық алаңы» жобасы аясында Облыстық әмбебап ғылыми кітапханада «Парасат жолы» орталығы ашылды. «Парасат жолы» – бұл адалдық, парасаттылық, әділдік қағидаттарын қалыптастыруға бағытталған жоба. Орталық азаматтық қоғамның түрлі өкілдерінің өзара іс-қимылының тиімді алаңы болып табылады. Осыған орай бүгін әлеуметтік желілердің тікелей эфирінде ақын, драматург, публицист, Қазақстан Жазушылар одағының мүшесі, «Алаш» халықаралық әдеби сыйлығының лауреаты Ақылбек Қожаұлы Шаяхметпен сұхбат өтті. 

Сұхбат барысында Ақылбек Қожаұлы ақын-жазушылардың сыбайлас жемқорлыққа қарсы күресте өте маңызды рөл атқаратынын атап өтті. Әңгіме соңында қонақ шынайы алғысын білдіріп, жобаға сәттілік тіледі.